အလုပ်ရှာရခက်သည် ဆိုသော်လည်း

သူငယ်ချင်းတစ်ယောက် အလုပ်သဲကြီးမဲကြီး ရှာနေတာ တွေ့ခဲပါတယ်။ သူ့ရထားတဲ့ ဘွဲ့ကတော့ မေဂျာတစ်ခုနဲ့ ဖြစ်ပါတယ်။ အခက်က အဲဒီ မှာ စပါပြီ။


သူ့လိုပဲ မြန်မာပြည်မှာ ရထားတဲ့ ဘွဲ့နဲ့ ကိုယ်လုပ်ချင်တဲ့ အလုပ်နဲ့ အလွဲကြီးကြီးတွေ လွဲနေကြပါတယ်။ သူငယ်ချင်းကို မေးလိုက်တော့လည်း “သိပါဘူး။ အဆင်ပြေတာလုပ်မယ်ကွာ”လို ဖြေပါတယ်။ ဘာလုပ် တတ်လဲလို့ မေးတော့လည်း ဘာကိုမှ ဖြောင့်ဖြောင့်တန်းတန်း မဖြေနိုင်ပါဘ
ူး။ ဒါဆို ပထမဦးဆုံး အပြစ် တင်ချင်တာကတော့ ဒီလောက် ပိန်းရတဲ့ သူ့ကို ပါ။ နောက်မှ အပြစ်တင်စရာကတော့ စာဖတ်သူတို့ စိတ်ထဲက ရှိတဲ့အတိုင်း အစီအစဉ်လိုက် အပြစ်တင်နိုင်ပါတယ်။ သာမန် လူတစ်ယောက် အပြစ်တင် သလို တင်ကြေးဆိုရင် “တို့ နိုင်ငံကိုက အလုပ်အကိုင် အခွင့်အလမ်းတွေ မဖန်တီးပေးနိုင်တာ၊ အလုပ်ရှင်တွေက လူပါးကိုဝတာ၊ ငါတို့ ပညာရေး စနစ်ကိုကျ အသုံးကို မကျတာ” အစရှိသဖြင့် စုံစံစစ်နေအောင် အပြစ်တင်နိုင် ပါတယ်။

ဘီလ်ဂိတ်ရဲ့ ဆိုရိုးရှိပါတယ်။ ဆင်းဆင်းရဲရဲနဲ့ မွေးလာတာ ကိုယ့်အပြစ် မဟုတ်ပေမယ့်၊ ဆင်းဆင်းရဲရဲ နဲ့ သေရရင်တော့ ကာယကံရှင်ရဲ့ အပြစ်လို့ ဆိုပါတယ်။ ဆိုလိုရင်းက ဒါမဟုတ်ပါဘူး။ စာရေးသူ ဆိုလိုချင်တာက ဘယ်လောက်ပဲ အလုပ်တွေရှားရှား ဟိုအပြစ်တင် ဒီအပြစ်တင်မယ့်အစား အလုပ်တစ်ခုကို လက်ဆုပ် လက်ကိုင် ပြုအောင် ရှာတတ်ဖို့ ဖြစ်ပါတယ်။

ဘယ်လိုရှာမလဲ

အလုပ်ရှာဖို့ထက် ကိုယ်ဘာလုပ်နိုင်လဲဆိုတာကို အရင်ဆန်းစစ် ရပါမယ်။ ကျောင်းသာပြီးလာတယ်။ ဘာလုပ်လို့ လုပ်ရမှန်း မသိဘူးဆိုလည်း မပြစ်မပြောတော့ပါဘူး။ ဒီအဆင့်မှာ ဖောင်ဒေးရှင်း ချပါတယ်။ ဘဝနဲ့ ရင်းပြီး စဉ်းစားဖို့လိုအပ်ပါတယ်။ ကိုယ်ဘာလုပ်ချင်လဲ။ ကိုယ်က ဘာဝါသနာ ပါလဲ။ ဝါသနာပါပေမယ့် တကယ်ပဲ ဘဝရပ်တည်နိုင်မယ့် ပရော်ဖက်ရှင် လိုင်းတစ်ခု က ငါ့အတွက် သင့်တော်လည်း အစရှိသဖြင့် ရွေးချယ် ရပါမယ်။ ဒီနေရာမှာ သဘာဝကျဖုိ့ လိုပါတယ်။ ဥပမာ- ပင်လယ်မရှိတဲ့ နိုင်ငံမှာ သင်္ဘောကျင်း အလုပ်သမား လုပ်မယ်ဆိုတာမျိုးကတော့ သဘာဝမကျ တဲ့ ရွေးချယ်မှု ဖြစ်ပါ တယ်။ ပြည်တွင်းမှာ လုပ်မယ်၊ အခုကော၊ နောင်အနာဂတ်မှာရော လိုအပ် လာမယ့် ပရော်ဖက်ရှင်နယ် လိုင်း ဖြစ်ရပါမယ်။ ဥပမာ- ယနေ့ အိုင်တီခေတ် မှာ အိုင်တီ ပညာတစ်ခုခုတပ်ထားရင် ယခုရော နောင် အနာဂတ်မှာပါ အလုပ်ရရန် လွယ်ကူပါတယ်။ အခွင့်အလှမ်း များပါတယ်။ ဒီလိုပါပဲ။ ကိုယ်ကလည်းလုပ်ချင်တယ်၊ နောင်အနာဂတ်မှာ ဒါကလည်း အမြဲလိုအပ်နေမယ့် ကဏ္ဍ တစ်ခု ဖြစ်ရမယ်။ ဒါကို သေချာရွေးချယ် ရမှာ ဖြစ်ပါတယ်။ ဒါဆိုရင် ရွေးချယ်ပြီးပြီ ဆိုပါစို့။

မိမိပညာကို စစ်ဆေးပါ

ကိုယ်ကတော့ အလုပ်တစ်ခုလုပ်ဖို့ ဆုံးဖြတ်လိုက်ပါပြီ။ ဒါနဲ့ ပက်သက်ပြီး ဘာမှ မလုပ်တတ်ဘူး။ ဝါသနာ ကတော့ ပါတယ်။ ဘယ်လို လုပ်ရမလဲ။ ဒီလို မေးတဲ့သူတောင် ရှိပါသေးတယ်။ ကိုယ်က ဒီလိုင်း ရွေးပြီ ဆိုရင်တော့ ဘာနဲ့ပဲ ကျောင်းပြီးခဲ့၊ပြီးခဲ့ ဒါနဲ့ပက်သက်တဲ့ ပညာကို အသေးစိတ်လေ့လာ ရပါတော့မယ်။ အသေးစိတ် မဟုတ်တောင် လုပ်ငန်းခွင် ဝင်လို့ရတဲ့ အဆင့်အထိ လေ့လာရပါမယ်။ ဒီအဆင့်မှာ အချိန်အားဖြင့် ၁လ လည်းဖြစ်နိုင် သလို၊ ၂လ လည်း ဖြစ်နိုင်ပါတယ်။ ၁ နှစ်ဆိုလည်း ရပါတယ်။ ဒါကြောင့် ပညာလေ့လာစဉ် ဇွဲ ရှိဖို့တော့လိုအပ်ပါတယ်။

အလုပ်လျှောက်ပါ

အလုပ်စလျှောက်ပါပြီ။ အခုမှ အလုပ်လုပ်ဖူးတယ်ဆိုရင်တော့ ဘာမှ သိပ်မမျော်ကိုးပါနဲ့။ ကိုယ်က အခုမှ လုပ်ငန်းခွင့် စဝင်မယ့် လစာကိုလည်း ချိန်ဆနေသေးရင်တော့ ဘာမှ အဆင်ပြေတော့မှာ မဟုတ် ပါဘူး။ ခေတ် ကာလအားဖြင့် အလုပ်စဝင်ဝင်ချင်း အားလုံးဒီလစာ လောက်ရတယ် ဆိုရင် ကျေနပ်စေလိုပါတယ်။ အဓိက ပထမ အဆင့်က အလုပ်မှာ သင်ယူလေ့လာတာ ဖြစ်ပါတယ်။ အလုပ်ထဲကနေ ပညာ ပြန်ရပါတယ်။ အချိန်တန်လို့ လစာမတိုးမှာ ၊ ရာထူး ပရိုမိုးရှင်း မလုပ်ပေးမှာလည်း မစိုးရိမ် ပါနဲ့။ ပေးပါတယ်။ မပေးရင်လည်း ပူစရာ မလိုပါဘူး။ ကိုယ့်မှာ ဒါနဲ့ ဆိုင်တဲ့ ပညာ ရှိထားပြီ ဖြစ်တဲ့အတွက် ဘယ်နေရာ လျှောက်လျှောက် အဆင်ပြေ ပါတယ်။ အားလုံး ကြိုဆိုကြမှာပါ။ ကိုယ့်ဘက်ကသာ ပြီးပြည့်စုံနေဖို့ လိုပါတယ်။

အလုပ်တစ်ခုက ထွက်ပြီး နောက်တစ်ခု ရှာနေတာ ဆိုရင် ပိုလို့တောင် လွယ်ပါသေးတယ်။ မူလ အလုပ်က အတွေ့အကြုံနဲ့ ပြန်လည်ပေါင်းစပ် လို့ နောက်အသစ်လျှောက်တဲ့ အလုပ်မှာ အကောင်းဆုံး ဖန်တီး နိုင်ပါတယ်။

ဒီမှာ အလုပ်ရှာနည်းလိုပါတယ်။ အလုပ်ကို ဒီခေတ်မှာ ရှာတဲ့ နည်းလမ်းက အလုပ်ခေါ် ဂျာနယ်တွေ ဝယ်ဖတ်ခြင်း ဖြစ်ပါတယ်။ အွန်လိုင်း ကနေ လျှောက်ထားတာကတော့ ဒီနောက်ပိုင်းမှာ ရေပန်းစားလာပါတယ်။ ဒါကြောင့်ကိုယ်က မျက်စိပွင့် နားပွင့် ရှိနေဖို့လိုပါတယ်။ ကိုယ်ကလည်း အလုပ် လိုချင်တယ်။ အိမ်ထဲမှာပဲ ပုန်းနေလို့၊အောင်းနေလို့ အလုပ်က ကိုယ့်ကို ရှာမှာ မဟုတ်ပါဘူး။ ဒါကြောင့် အလုပ်ရှာတဲ့ ကာလမှာ ခြေလည်းတိုမယ်။ ချွေးလည်း ထွက်မယ်။ ဂျာနယ်ဖိုးကုန်မယ်။ အင်တာနက်ဖိုး ကုန်မယ်။ ဖုန်းဖိုး ကုန်မယ်။ ဒါတွေအားလုံး ရင်းတာ ဘယ်လောက်မှ မကုန်ပါဘူး။

အင်တာနက်ကနေ အလုပ်ရှာတာမျိုးက လည်း တော်တော်လေးလွယ်ကူ ပါတယ်။ အလုပ်ခေါ်တဲ့ ဝဘ်ဆိုဒ်တွေ (ဥပမာ-https://work.com.mm/) ကို သွားပြီး ဆီဗီ တင်တာမျိုး၊ Officially ကုမ္မဏီ ဝဘ်ဆိုဒ်တွေကို သွားရောက်စုံ စမ်း တာမျိုး အစရှိစသဖြင့် စစ်တိုက်သလိုပဲ စစ်မျက်နှာပြင် ဖြန့်ထားရပါမယ်။ ဒီအပတ်တော့ ဂျာနယ်မှာ ရှာပြီး နောက်အပတ်တော့ အွန်လိုင်းမှာ ရှာမယ်ဆို ရင် သက်ရောက်မှု နည်း။ အလုပ်ရှာနေစဉ်အတွင်း စိတ်ရော၊ကိုယ်ရောနစ်လို့ “ငါအလုပ်တစ်ခု ရကိုရစေရမယ်” ဆိုတဲ့ ခံယူချက်မျိုး၊ လုံ့လမျိုးနဲ့ရှာရပါမယ်။ ဒါဆိုရင် ကိုယ်နဲ့သင့်တော်မယ့် အလုပ်ကို ကြိမ်းသေ တွေ့မှာပါ။ Mind Power ဆိုတာကလည်း တကယ် ဇွဲကြီးရင် အစွမ်းထက်ပါတယ်။ ဇွဲရှိဖို့လည်း လိုအပ်ပါတယ်။

နိဂုံးချုပ်

ဒါဆိုရင် အလုပ်တစ်ခု ရှာဖို့အတွက် ဘယ်လိုသွားရမယ်။ ဘယ်လိုပြင်ဆင်ရ မယ်လို့ သိရှိပြီလို့ ယူဆပါတယ်။ မြန်မာပြည်မှာ အလုပ်မရှားပါဘူး။ တကယ် မရှားပါဘူး။ အလုပ်ရှာတဲ့ သူနဲ့ အလုပ်လိုတဲ့ ကြား ဆက်စပ်မှု လိုအပ်နေ လို့ ဖြစ်ပါတယ်။ ဒီလိုအပ်ချက်ကို ဘယ်သူမှ လာဖြည့်ပေးမှာ မဟုတ်ပါဘူး။ ကိုယ်တိုင် ကြိုးစားရ မှာ ဖြစ်ပါတယ်။ ဒါကြောင့် အလုပ်အတွက် ကြိုတင်ပြင် ဆင်ခြင်း၊ ပညာသင်ယူခြင်း၊ အလုပ်လျှောက်ခြင်း၊ အစရှိသဖြင့် အဆင့်ဆင့် သွားနိုင်လို့ အလုပ်ကောင်းများ ရရှိနိုင်ပါစေလို့ မျော်လင့်ပါတယ်။
--
အောင်ခမ်း

https://www.facebook.com/Work.com.mm


from myanmar online now