မြတ်ဗုဒ္ဓရဲ့တရားတွေကို
တချို့လူတွေက နိဗ္ဗာန်ရောက်ကြောင်းတရား၊ ပျင်းရိစရာ၊ ငြီးငွေ့စရာ တရားတွေလို့ထင်ကြပါတယ်။တချို့က
“ရိုးချောက် ဂနိုင်”(Valley of dry
bones) လို့တောင် ဆိုကြတယ်။တချို့များဆိုရင် တရားဆိုတာလူတွေနဲ့မဆိုင်ဘူး။ ဘုန်းကြီများနဲ့သာ
ဆိုင်တာပါ လို့တောင် ဆိုလိုက်ကြသေးတယ်။တကယ်တော့ မြတ်ဗုဒ္ဓရဲ့တရားတော်တွေဟာ တခြား သော religion တွေလိုမဟုတ်ပါဘူး။အားလုံးနဲ့
သက်ဆိုင်ပါတယ်။လက်တွေ့လိုက်နာ ကျင့်သုံး သူ တိုင်းခံစားရမှာပါ။
ဒါကြောင့်မြတ်ဗုဒ္ဓရဲ့ ကြီးပွားနည်းတွေကို တတ်နိုင်သလောက်စုစည်းပြီး
ဖော်ပြပေးလိုက် ပါတယ်။
ပထမဆုံး
အကြောင်းအရာက မင်္ဂလသုတ်မှာ ပါတာပါ။
၁။အချိန်အခါကိုသိရမယ်။
အလုပ်တစ်ခုကို
သူ့အချိန်နဲ့သူမှန်မှန်လုပ်မှ ချောမောစွာ ပြီးမြောက်မှာပါ။
ဘယ်အချိန်
ဘာလုပ်ရမယ်ဆိုတာကို သေသေချာချာသိထားရပါမယ်။
ဘယ်အလုပ်ဟာ
ဘယ်အချိန်နဲ့ကိုက်ညီသလဲဆိုတာ ကိုယ်တိုင်သိထားရမှာပါ။
၂။နောက်တစ်ခုက သင့်လျော်အောင်ပြုရမယ်။
အလုပ်လုပ်ပြီဆိုရင်
အလုပ်နဲ့ သင့်လျော်တဲ့အရပ် ကာလစတာတွေရွေးချယ်ပြုလုပ်နိုင်မှသာ အလုပ်ဟာအောင်မြင်မှာပါ။ဒါတွေအားလုံးသင့်လျော်မှသာအဆင်ပြေမှာပါ။မိမိနိုင်ငံ
မိမိဒေသနဲ့ ကိုက်ညီအောင် နည်းစနစ်သစ်တွေနဲ့လုပ်ရပါမယ်။
၃။မပျင်းရိခြင်း
ဘယ်အလုပ်ပဲလုပ်
ပျင်းရိနေမယ်ဆိုရင်တော့ ပြီးစီးမှာမဟုတ်ပါဘူး။
၎။လုံ့လရှိခြင်း
မပျင်းရုံနဲ့လဲ
မလုံလောက်သေးဘူးတဲ့။ထကြွလုံ့လရှိမှာသာလျှင် အလုပ်ဟာ အောင်မြင်
မှာပါ။လုံ့လရှိခြင်းလို့ဆိုသော်လည်း
နားလည်တတ်ကျွမ်းမှု(skill)ကိုပါယူရမှာပါ။
၅။မပျက်စီးစေခြင်း
အလုပ်မလုပ်ခြင်း၊အလုပ်မရှိခြင်းတွေဟာမကောင်းမှုကိုလက်ရပ်ခေါ်နေသလိုပါပဲ။ဒါကြောင့်မိမိ
လုပ်သင့်တဲ့အလုပ်ကိုအမြဲလုပ်နေပြီး ပတ်ဝန်းကျင်တွေကြောင့် မပျက်စီးအောင် ဂရုစိုက်ရ
မှာပါ။
ဒီနေရာမှာ
မိမိကိုပျက်စီးစေတဲ့အရာလေးမျိးကိုလည်းပြောပြပါအုန်းမယ်။
(၁)ကာမဂုဏ်လွန်ကြူးခြင်း၊(၂)အရက်သေစာသောက်စားခြင်း၊(၃)လောင်းကစားကြူး
ခြင်း၊(၄)မကောင်းသောမိတ်ဆွေတို့နှင့်ပေါင်းသင်းခြင်း
တို့ဖြစ်ပါတယ်။ဒါတွေကြောင့်မပျက်စီးစေဖို့
လည်းလိုပါတယ်။
No comments:
Post a Comment