ကော်ဖီသောက်ချိန်နှင့်ကျန်းမာရေးအကျိုးကျေးဇူး

လုပ်ငန်းခွင် အစည်းအဝေးတွေ ပြီးတဲ့အခါ၊ သင်တန်းချိန် တစ်ချိန်နဲ့ တစ်ချိန်ကြား နားနေချိန်တွေမှာ၊ တစ်နေ့လုံး လုပ်ရတဲ့ အလုပ်မှာ ကော်ဖီသောက် ဖို့နားချိန် (Coffee Break) ပေးလေ့ ရှိပါတယ်။ ကော်ဖီသောက်တာဟာ ကျန်းမာရေးအတွက် အကျိုးရှိတာကြောင့် တနေ့လုံး ပင်ပန်း နွမ်းနယ်ချိန်မှာ ကော်ဖီ တစ်ခွက် သောက်လိုက်ရတာဟာ နွမ်းနယ်မှုကို ပြေလျှော့လန်းဆန်းသွားစေပါတယ်။

ကော်ဖီတွင်နှလုံးရောဂါ ကာကွယ်နိုင်စွမ်းရှိခြင်း

ကော်ဖီမှာ ဓာတ်တိုးဆန့်ကျင် ပစ္စည်းအပါအ၀င် ကာကွယ်ပေးနိုင်တဲ့ ဒြပ်ပေါင်းများစွာ ပါဝင်နေတာကြောင့် ဟားဗတ်တက္ကသိုလ်ရဲ့ လက်တလော လေ့လာမှုအရ ကော်ဖီ သောက်သူတွေဟာ ကော်ဖီ မသောက်သူ တွေထက် နှလုံးသွေးကြော ရောဂါကြောင့် အသက်သေဆုံးနိုင်တဲ့ အန္တရာယ်ကို လျော့ကျစေ နိုင်ကြောင်း တွေ့ရှိခဲ့ ရပါသည်။ဘလက်ကော်ဖီမှာ ကယ်လိုရီ ပါဝင်မှု နည်းတဲ့အတွက် ကိုယ်အလေးချိန် ထိန်းလိုသူတွေ အတွက် သင့်တော်ပါသည်။

ရောဂါများစွာကို ကာကွယ်နိုင်ခြင်း

လေ့လာမှုများစွာအရ ကော်ဖီသောက်သူတွေဟာ ကော်ဖီမသောက်သူတွေနဲ့ နှိုင်းယှဉ်ရင် အမျိုးအစား (၂)ဆီးချို၊ သွေးချိုရောဂါ၊ ပါကင်ဆန်ရောဂါ၊ အသည်းခြောက်ခြင်း၊ အသည်း၊ ရင်သားနဲ့ အူမကြီး ကင်ဆာ အန္တရာယ်တို့ကို လျော့ကျ စေနိုင်ကြောင်း တွေ့ရှိရပါတယ်။

ဦးနှောက်ကို လန်းဆန်းငြိမ်းချမ်းစေခြင်း

ကော်ဖီသောက်တာဟာ ခန္ဓာကိုယ်ကို သာမက စိတ်ကိုပါ လန်းဆန်းစေပါတယ်။ လေ့လာမှု တစ်ရပ်အရ အိပ်ရေးပျက်နေတဲ့ ကြွက်တွေဟာ ကင်ထားတဲ့ ကော်ဖီစေ့နံ့ကို ရှုရှိုက်ပြီးတဲ့အခါ ပိုပြီးလန်းဆန်းသွားတာကို တွေ့ရတယ်။

အသင့်အတင့်ကသာအကောင်းဆုံး

ကော်ဖီသောက်တဲ့အခါ နို့၊ သကြား၊ ခရင်မ်တွေ မပါဘဲ တစ်နေ့တစ်ခွက်၊ နှစ်ခွက် သောက်တာဟာ အကောင်းဆုံး ဖြစ်ကြောင်း အာဟာရပညာရှင် အများစုက ဆိုပါတယ်။ နှစ်ခွက်ထက် ပိုသောက်ရင် ရေဓာတ် ခန်းခြောက်ခြင်းနဲ့ သွေးဖိအား မြင့်တက်ခြင်း ဖြစ်စေနိုင်ပါတယ်။ကိုယ်ဝန်ဆောင်ချိန် မှာတော့ ကော်ဖီ အများအပြား သောက်ရင် ကိုယ်ဝန် ပျက်ကျနိုင်ခြေ များတဲ့အတွက် ကော်ဖီကို မသောက်သင့်ပါဘူး။

http://www.myawady.net.mm/mwdhealth/stories/347-2012-11-19-02-03-41